Fésbók, frá snillingunum sem fundu upp "Alnetið"

Facebook er sérnafn. Það er mjög skrítið að Morgunblaðið taki upp á sitt einsdæmi að þýða nafn fyrirtækisins með þessum hætti, það er ekki venjan að það sé gert þegar fjallað er um önnur erlend fyrirtæki.

Eða megum við nú eiga von á fréttum um hugbúnaðarrisann Pínkumjúk og fartölvur frá Eplinu? Mér dettur eins og er ekki í hug nein "sniðug" þýðing á Google, en hvet lesendur, ef einhverjir eru, til að koma með tillögur í athugasemdum. :-P

Kannski er ég bara húmorslaus, en mér finnst þetta frekar asnaleg fréttamennska.

Vefurinn heitir "Facebook"!

Annars þakka ég bara fyrir að tilraunir Morgunblaðsins til að endurnefna Internetið "Alnetið" mistókust hér um árið...

Ákærður fyrir kynferðisbrot á Fésbók

Athugasemdir

[Sigurður Ingi Jónsson, 5.2.2009 kl. 18:35]

Þó skárra en orðskrípið evróvisjón, sem er hvorki þýtt né upprunalegt.

[Einar Indriðason, 5.2.2009 kl. 21:55]

Ég sting upp á orðinu "Snjáldra" sem íslenskun á "facebook".  Svo gætirðu "snjáldrað", ef þú ert að fikta á facebók.

[Hilmar Sigurðsson (IP-tala skráð) 7.2.2009 kl. 20:59]

Bara svona í gamni:   Google varð til, að ég held, vegna stafsetningarvillu á orðinu  "googol".   Þetta er nafnorð, sem merkir töluna 1 með 100 núllum á eftir !   :) :)   eða talan 10 í hundraðasta veldi.    Google er því nýyrði  (11ára ?) og einungis vörumerki.